2022.8.17-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,541,271 個住戶交朋友～

真3D身材!不再只是大頭貼!

移除此區廣告請加入VIP

檔案狀態:

住戶編號:2268321

C 的日記本

快速選單

2022.8.12 《前一篇

後一篇》 2022.8.24

回應

給他日記貼紙

給他愛的鼓勵

檢舉

篇名: 2022.8.17
作者: C	日期: 2022.08.17　　天氣: 　心情:

今仔日是八月十七，禮拜三。我佇葛雷多摸非。
拄才先去里歐買早頓，欲予阿妹仔一家。

阿妹仔規家拜一來高雄矣，中晝去普普食，阿姐出錢請。閣去伊蹛的飯店看。
拜一暗，妹婿請阿爸阿母食西堤，囝仔看著哥哥妹妹誠歡喜，
阿妹仔閣買囝仔上愛的汪汪隊佮一台美國的郵差車予耍
我嘛共禮拜買的玩具提予阿妹仔兩个囝仔。

昨昏拜二透早，在囝仔佮太太出門，
先予囡仔去學校，太太攏予伊家己起去，看著囝仔按呢，誠獨立
看伊細細漢仔揹大冊包，走咧走咧，不時閣會搝一下仔肩胛頭的揹帶，誠古錐。
紲落，隨載太太去鳳山一間撨骨予人撨。毋是掠龍，攏用搝的。看起來誠有效。

中晝，阿妹仔規家就徙轉來厝蹛
昨昏阿母攢誠腥臊，佮叫我去買青菜來鬥
囝仔轉來佮隨走去二樓和兄妹仔耍，我去收衫摺衫了，叫彼陣囝仔起來耍，
予阿妹仔款行李。
暗時共兩个查甫囡仔洗身軀，兩个歡喜甲，

哥哥較惦，袂相會曉講話，顛倒是囝仔嘺嘺叫，
希望會當佇耍當中，影響哥哥會較摮講話。
顛倒是妹妹，太太抱伊看冊念予聽，伊會國語英語摻咧講。反應嘛較緊。

今仔日我應該予囝仔咧耍時，加問哥哥意見，予伊講，訓練伊表達。

標籤:

瀏覽次數:160 人氣指數:360 累積鼓勵:10

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：